Introduction הקדמה
1 א

תפסיר תורה

An Explanation of the Torah in Arabic (Tafsir at-Tawriyya Bi-'l-'Arabiyya)

2 ב

בשם ה' נעשה ונצליח

In the Name of the LORD Shall We Act and Prosper.

3 ג

שרח אלתורה לראס אלמתיבה רב סעדיה ז"ל

[This is] an Exposition of the Torah by the Head of the Academy, Rabbi Saadia (Of Blessed Memory)

4 ד

[והו] אכיראג֗ מעאני אלכתאב אלמקדס מן כתב אלנבוה אלמסמי

[Which] Brings Out the Meaning of the Holy Scriptures from the Prophetic Book Called

5 ה

אלתורה מן אללגה אלקדיסה אלי אללגה אלגאלבה עלי זמאן

the "Torah" from the Sacred Language [of Hebrew] into the Contemporary Language

6 ו

אלמכ֗רג֗ לה ווטנה

that is Widespread in the Land of His Birth ([10th Century CE Egypt]).

7 ז

[צדר אלכתאב]

[Introduction to the Book]:

8 ח

קאל למא כאן חמד אללה ג֗ל ג֗לאלה ושכרה עלי מא בה אחסן גיר מתנאהיין אדי אלקדרה אלתי להא יחמד ואלפעל אלדיי עליה ישכר לא חד להמא כאן אפציל אלחמד אלתעאלי ואשרף אלשכר אלמבאלגה פללה אלחמד ותבארך אלמוג֗וד וג֗ודא אזליא אלואחד עלי חקיקה אלוחדאניה אלחכים אלחכמה אלמחצ֗ה אלקאדר קדרה תאמה אלמחסן אחסאנא כאמלא אלעאלי עלי כל תסביח ומג֗ד.

9 ט

אמא בעד כאן אלחכים למא קצד בהד֗א אלכתאב תאדיב אלנאטקין ואנהאהם אלי טאעתה וכאן אלתאדיב עלי ת֗לת֗ה צ֗רוב בעצ֗הא אוכד מן בעץ֗ אלאול והו אצ֗עפהא אן יקאל ללמקצוד תאדיבה אפעל הד֗א ולא תפעל הד֗א גיר אן יכשף לה עאקבה מא אמר ומא נהא מנולא אד֗ קד וקע לה אנה יקרב מן אמרה בד֗לך אלפעל ויבעד ען נהיה בד֗לך אלפעל ואלת֗אני אן יכשף ללמאמור ואלמנהי מע אלאמר ואלנהי ת֗מרה מא יכ֗תארה פי פעלהמא והו אן יקאל לה אפעל כד֗א תג֗אזי בכד֗י ולא תפעל כד֗א תעאקב בכד֗י והד֗א אקוי מן אלאול לאנה יתצור לה בד֗לך מא ינאלה מן סעאדה או שקא עלי כל פעל יכ֗תארה ואלת֗אלת֗ אן יכון מע תעריף אלמאמור ואלמנהי מא עלי טאעתה מן חסן אלג֗זא יכ֗בר בכ֗בר קום אמתת֗לו תלך אלטאעה פאחסן ג֗זאהם ואסעדו ומע אעלאמה מא עלי מעציתה מן שדיד אלעקאב יכ֗בר בכ֗בר קום אקתד֗פו תלך אלמעציה פעוקבו ושקו פהד֗א אלצ֗רב אקוי מן אלצ֗רבין אלאולין לאן אלמחנה ואלתג֗רבה תחצל לסאמע ד֗לך פיקום ד֗לך ענדה מקאם אלמשאהדה ראי אן ינזל הד֗א אלכתאב אלמראד בה אצלאח אלעבאד ג֗אמעא להד֗ה אלת֗לת֗ה צ֗רוב חתי יכון פי גאיה אלאתקאן ונהאיה אלאחכאם פאמר עבאדה פיה באלבר ונהאהם ען אלאת֗ם וועדהם עלי מא יאתונה מן עמל אצלאחאת ותואעדהם עלי אלסיאת ואכ֗ברהם ען קום קד תקדמוהם פאצלחו פי אלבלאד פאנג֗חו וקום אפסדו פיה פהלכו חתי לם יבק אצל מן אצול אלתאדיב אלא וקד אחאט בה כתאבה ומת֗אל הד֗ה אלתילאת֗ צירוב ממא פי אלתורה קול אלעזיז ג֗ל ג֗לאלה להרון ולא תדכיל פי כתייר מן אלאוקאת אלי אלקדם כקולה ואל יבא בכל עת אל הקדש תים כשף לה עאקבה דילך פקאל לילא תהלך דילך קולה ולא ימות ואדיכרה מא לחק בניה חין פעלו מתיל דילך בקולה אחרי מות שני בני אהרן ומתיאל דילך איציא מא קאל סלימאן והו ינהי ען אלכסל פי אמר אלדין ואלדניא כקולה אל תאהב שנה וגוי תים בין אן תימרה דילך קטע אלמחמודאת כקולה תאות עצל תמיתנו והי קצה מן תכאסל פי אלענאיה בצייעתה חתי נבת פיהא אלשוך בל חתי אנהדם סיאג֗הא דג֗אך קולה על שדה איש עצל עברתי וגוי ועלי וצף אלנטיאם ואלתרתיב פאלאחק אן יקדם אלאמר תים אלעאקבה תים אלכיבר ולכן למא כאן תנזיל אלתורה ליס הו פי אול אלזמאן לכון אלחכמה אוג֗בת אן יכון תנזילה פי אלוקת אלדיי בלג אלנאס פיה אלעדד אלתאם אלדיי עלי שביה במתילה יבקון אוג֗ב אלג֗ליל תבארך ותעאלי אן יערפהם עיון אלאכיבאר אלתי תקדמתהם לימתתילו במא חמדה למן סבקהם מן פעלה וינתהו ען מא דימה מן פעל מן כאן קבלהם ואן ינטים דילך וינסקה מן אול מא אחדת֗ אלאשיא אלי וקת אלתנזיל תים יאמר וינהי יעד ויתואעד אתכאלא עלי אנה יכיאטב דיוי אלעקול אלצחיחה אלסלימה מן אלאפאת.

10 י

ואעלם יא נאטיר פי הדיא אלכתאב אנה עלי ג֗לאלה קדרה ושרף מרתבתה ואלא תקאס [בה] סאיר כתב אלנבוה ועלי פציח לפטיה יפסר מא אסתגלק ואעתאץ מנה לא יג֗וז ללעבאד אן יעתקדו אנה לא חג֗ה לה עז וג֗ל עליהם סואה בל יג֗ב עליהם אן יעלמו אן לה עליהם חג֗תין אכ֗רתין אחדאהמא מקדמה קבלה והי חג֗ה אלעקל אלתי בהא יעלמון אן ג֗מיע אלאעיאן אלמראיה וסאיר אלמחסוסה מחדתיה ואן מחדתיהא אזלי לם יזל ולא יזול ואנה ואחד ואנה לא ישבההא ולא הי תשבהה ואנה אלחכים עאלם מא יכון קבל כונה ואנה אלכיאלק יכילק מא יריד בלא מאדה ואנה אלעדל לא יכלף עבאדה מא לא יטיקון וסאיר מא תכירג֗ה אלבראהין אלעקליה מן אצול אלאמאנאת נחו אלשראיע אלעקליה כאלחק ואלעדל ואכיתצר אן אתיבת שיא מן אלחג֗ה עלי שי מן ד֗לך פי הד֗יא אלכתאב אדי ליס להדיה אלפנון כתבתה ואלחג֗ה אלאכ֗רי מוכ֗רה בעדה והי מערפה אתיאר אלאנביא כיף כאנו יחכמון פי כל חאדתיה תחדת֗ פי מא בין אלנאס וכיף כאנו יצנעון אלשראיע אלסמעיה אלתי ליס תדפע אלעקול אן תפרץ֗ ולא תוג֗ב ד֗לך בל שרעהא עלי אלעבד יג֗וז אן יכון פלמא אתת בהא אלרסל צארת ואג֗בה אלא אן כמיאתהא וכיפיאתהא גיר מנצוצה פי אלכתאב מתיל כמיה אלצלוה וכמיה אלזכוה וכיפיה אלעמל פי אלסבת וסאיר מא כאן מפרוציא מן עלם אלסמע ואכיתצר איציא אן אשרח שיא מן דילך פי כתאבי הדיא לאני לם ארסמה בסבבה ואיציא לאני קד שרחת האתין אלמערפתין אעני ממא פי אלאתיאר פי כתאב תפסיר אלתורה אלכביר שרחא ואסעא.

11 יא

ואנמא ארסמת הדיא אלכתאב לאן בעץ֗ אלראגבין סאלני אן אפרד בסיט נץ אלתורה פי כתאב מפרד לא ישובה שי מן אלכלאם פי אללגה מצרפהא ומבדלהא ומקלובהא ומסתעארהא ולא ידכיל פיה קול מן מסאיל אלמלחדין ולא מן אלרד עליהם ולא מן פרוע אלשראיע אלעקליה ולא כיף תעמל אלסמעיה אלא אכ֗ראג֗ מעאני נץ אלתורה פקט פראית אן אלד֗י סאלה מן ד֗לך פיה צלאה ליסמע אלסאמעון מעאני אלתורה מן כ֗בר ואמר וג֗זא עלי נסק ונט֗אם מכ֗תצר ולא יטול שגל מן טלב מנהא קצה מא במא יכ֗אלטה מן אקאמה אלחג֗ה עלי כל פן פית֗קל עליה [ואן] כאן הו אראד בעד ד֗לך אלוקוף עלי תשריע אלשראיע אלעקליה וכיפיה צנאעה אלסמעיה ובמא ד֗א יזול טען כל טאען עלי קצץ פי אלכתאב טלב ד֗לך מן אלכתאב אלאכ֗ר אד֗ הד֗א אלמכ֗תצר ינבהה עלי ד֗לך ויקתצ֗יה קצדה ולמא ראית ד֗לך רסמת הד֗א אלכתאב תפסיר בסיט נץ אלתורה פקט מחררא במערפה אלעקל ואלנקל ואד֗א אמכנני אן אודע איאה כלמה או חרפא ינכשף בה אלמעני ואלמראד למן יקנעה אלתלויח מן אלקול פעלת ד֗לך ובאללה אסתעין עלי כל מצלחה אקצדהא מן אמר דין ודניא.

Nevertheless, I authored this book because of a few seekers who requested that I simply break down the text of the Torah in a standalone book: one that does not get involved in discourses about philology, grammar, or syntax; one that does not enter quoting questions posed by atheists, and providing their rebuttal; nor one that delves into rational laws, or how to perform traditional laws; just that I would simply convey the meaning of the text of the Torah [itself]. Indeed, I saw it was fitting to request that the audience hear the meaning of the Torah, from the narratives to the imperatives...